У Зборнїку Дружтва обявени „Руски народни шпиванки”

автор мгк
857 Опатрене

НОВИ САД – Нове, 21. число Зборнїку роботох „Студия Рутеника”, у хторим обавени руски жридлово народни шпиванки з нотами, представене вчера, 3. марца, на схадзки Управного одобру (УО) Дружтва за руски язик, литературу и културу (Дружтво), отриманей у Руским културним центре у Новим Садзе.

Зборнїк з назву „Руски народни шпиванки” пририхтали др Юлиян Рамач, Михал Лїкар и Ирина Олеяр. Блаженка Хома Цветкович пречитала рецензиї на тото дїло рецензентох Лидиї Пашо и Владимира Медєша, а як барз позитивне визначене же шпиванки записани, з чим су зачувани и одняти од забуца.

Присутних на схадзки УО и промоциї Зборнїку привитал предсидатель УО Дружтва Владимир Салонски, а секретарка Дружтва Ирина Папуґа гварела же познєйше буду орґанизовани и ширши промоциї Рутеники, односно „Руских народних шпиванкох”, з пригодну програму.

ПОВЯЗАНИ ТЕКСТИ