РУСКИ КЕРЕСТУР – У просторийох Каритасу у Руским Керестуре нєшка почнє циклус од штирох интерактивних роботньох за младих у орґанизациї Центру за слуханє „Нїтка”.
Перша роботня з тему „Нє шицко таке чарне, роздумай ище раз” почнє на 19 годзин, а водзиц ю будзе дипломовани психолоґ Соня Виславски и волонтерка Центру „Нїтка”.
У наиходзацим периодзе буду отримани ище три роботнї за хтори термини буду утвердзени познєйше, а отримаю их други волонтере Центру „Нїтка”. Поволани шицки млади од 16 до 26 рокох, а орґанизаторе обчекую приход младих и з других местох.