РУСКИ КЕРЕСТУР – У Велькей сали Дома култури Руски Керестур нєшка на 18 годзин будзе отримани 2. Гуманитарни концерт „За нашо дзеци”. На концерту наступя дзеци и млади.
Уход 100 динари, за дзеци безплатни, а кажде годзен дац и добродзечни прилог. Зоз назбераного пенєжу буду направени пакецики за Крачун керестурским дзецом хторим то найпотребнєйше, а НВУ „Руске слово” до каждого пакецика подарує кнїжку за дзеци, а креативка Тияна Бандич медовнїки.