РУСКИ КЕРЕСТУР/КУЛА – За виберанки за предсидателя Сербиї на ютре, 2. априла, у Руским Керестуре до виберацкого списку уписани 4 054 гласаче, котри годни гласац на штирох виберацких местох.
Виберацке место число 34 будзе у просторийох Ловарского дружтва „Ярабица”, число 35 у Доме борцох и пензионерох, виберацке место число 36 у просторийох ЯКП „Руском” (дакедишнїм будинку Месней заєднїци), а у Замку, у учальнї Школи „Петро Кузмяк”, будзе виберацке место число 37.
У цалей кулскей општини єст 40 виберацки места, а до виберацкого списку уписани 36 444 гласаче.