КОЦУР – Роботнїки Явней аґенциї за зоогиґиєну и польопривреду (ЯЗИП) пияток у Коцуре посадзели вкупно 40 нови древка.
Млади древка посадзени на трох локацийох у Коцуре – у парку при стадионє посадзена єдна лїпа и 6 яворово древка, опрез школи посадзени 10 лїпи и 3 ґраби, а при депониї посадзени 20 платани.
ЯЗИП штредком януара започал ожелєньованє и обновйованє древох на териториї цалей општини Вербас. По їх програми буду посадзени 600 древка розличних файтох у паркох, на спортско-рекреативних теренох, у дзецинских паркох и дворох предшколских установох.
