У Коцуре отримана роботна акция

автор злк
1k Опатрене

КОЦУР – Вчера, 13. октобра з нагоди Дня борби процив природних катастрофох, Здруженє младих КУМ и коцурски Каритас орґанизовали роботну акцию у Коцуре на котрей садзели пауловниї, чисцели депонию и простор коло беґелю. 

На акциї ше позберали школяре еколоґийней секциї ОШ „Братство єдинство“ и волонтере зоз Коцура котри пополадню даскельо годзини зберали шмеце коло беґелю, пририхтовали жем и млади пауловниї садзели на означени места, а потим шицки вєдно пошли на орґанизовани полудзенок и друженє.

Акция будзе предлужена и наиходзацих дньох, односно на пондзелок, 16. октобра кед будзе указуюца вежба у Добродзечним огньогасним дружтве, а потим округли стол на тему „Зоперанє ризику од природних катастрофох, суши и од поджемних водох“.

Акция будзе закончена 21. октобра кед буду поставени лавочки у школским дворе.

20171013_141005

ПОВЯЗАНИ ТЕКСТИ