КОЦУР – Вчера, 14. фебруара, у Оддзелєню Библиотеки „Данило Киш“ у Коцуре отримани Музично-литературни вечар з нагоди швета Святого Трифуна и Святого Валентина.
З музичнима точками и рециталами ше представели школяре нїзших класох Основней школи „Братство-єдинство“, котрих пририхтали їх учительки, а поезию ше читало по сербски и по руски. У програми участвовали поетове, писателє, музичаре, шпиваче, та и ґлумци з даскелїх дружтвох у Коцуре, як и госци з Руского Керестура и Србобрану.
Библиотекарка Весна Пешут Радошевич гварела же Коцур тот дзень уж традицийно означує з читаньом стихох, шпиваньом и деґустацию вина, та традиция предлужена и того року.