КУЛА – Нєшка, 25. фебруара у Кули, у просторийох Руского КУД „Др Гавриїл Костельник” (М. Тита 248), будзе порядна Рочна скупштина Рускей матки (РМ). Скупштина почнє на 11 годзин.
На дньовим шоре звити о роботи РМ и єй одборох по местох за прешли рок, финансийни звит, та плани роботи Матки и одборох по местох за 2017. рок.
На Скупштини будзе винєшена и информация о пририхтованю проєктох РМ за конкурованє до ресорних покраїнских секретариятох и Министертва култури и информованя, як и догварка о пририхтованю РМ за одход на Штернасти шветови конґрес Русинох/Руснацох/Лемкох, хтори штредком рока будзе у Осиєку, у Горватскей.