НОВИ САД – Руснаци у Новим Садзе, вчера 17. януара, у Руским културним центре (РКЦ), означели Националне швето Руснацох у Сербиї.
Госцох привитали предсидатель Управного одбору РКЦ Владимир Иван и предсидатель Скупштини Городу Нови Сад Здравко Єлушич. З Руснацами у Новим Садзе Швето пришли означиц и госци – народна посланїца Олена Папуґа, о.д директорки Заводу за културу войводянских Руснацох Анамария Ранкович, парох новосадски о. Юлиян Рац и велї други.
У програми, участвовали члени секцийох, Хор „Гармония”, млади рецитаторе, Женска шпивацка ґрупа и оркестер, а Саша Загорянски грал на клавиру.
Преслава у Новим Садзе закончена зоз приємним коктелом и друженьом.
По конєц тижня Националне швето Руснацох будзе отримане по тим розпорядку.
