У ПУ „Бамби” 13-еро дзеци на чеканю

автор маф
1.1k Опатрене

РУСКИ КЕРЕСТУР – Тих дньох у керестурскей дзецинскей заградки „Цицибан” хтора часц ПУ „Бамби” з Кули, виложена лїстина чеканя на хторей 13-еро дзеци.

Вони рижних возростох – од яшелькового по обданїщове – и буду чекац свойо место у установи кед же ше дахто од кус вецей як 140-их хтори прияти до „Цицибану” предума ходзиц до оводи.

То уж други рок як и у керестурскей дзецинскей заградки мушела буц формована лїстина чеканя, а источашнє того року утаргнута и ґрупа у пополадньовей змени за хтору нє було достаточно заинтересовани дзеци.

Як дознаваме од главней виховательки Оленки Русковски, число дзецох на лїстини чеканя подобне як и влонї, лєм же теди то бул лєм яшелькови возрост, а тераз єст и старши дзеци.

ПОВЯЗАНИ ТЕКСТИ