НОВИ САД – Драмски студио Руского културного центру (РКЦ) ютре репризно одбави представу „Бабушка”, за хтору текст, режию и сценоґрафию подписує Звонимир Павлович.
У представи участвую Славко Бучко, Марина Хома, Яким Грубеня, Владимир Гаргаї, Дюра Латяк, Йован Живкович, Ребека Планчак, Ася Папуґа, Борис Фейди, Александра Живкович Бучко и Любица Фечо, а проєкт финансийно помогли Покраїнски секретарият за културу и Национални совит Руснацох.
Представа премиєрно виведзена 16. марца, а 23. марца участвовала на тогорочним Драмским мемориялє Петра Ризнича Дядї. „Бабушка” почнє на 20 годзин, а уходнїца кошта 200 динари.