У  Равним Селу нєшка будзе закончени филмски фестивал  

автор але
997 Опатрене

РАВНО СЕЛО – У Равним Селу, у вербаскей општини, всоботу, 24. юния почал, а нєшка будзе закончени Перши филмски фестивал за дебитантох „Равно Село Филм Фестивал“, хтори у своїм родним месце порушал познати ґлумец, режисер и продуцент Лазар Ристовски. Фестивал отворел предсидатель Покраїнскей Влади Иґор Мирович, а попри представительох локалних и покраїнских орґанох, на отвераню присуствовали и велї визначни особи зоз швета филму и театру.

Фестивал нєшка, 26. юния, будзе заварти з филмом „Ошлєбодзенє Скопля“, хтори  режирали Данило и Раде Шербеджия, а з нєшкайшим, на Першим Фестивалє участвовали штири филми.

Фестивал ше отримує на погоренїску дакедишнього Дому култури у Равним Селу, а єдна з главних идейох його порушованя же би ше и на тот способ помогло у збераню средствох за вибудов новей сали Дому култури у тим валалє.

Всоботу, 24. юния, предсидатель Покраїнскей влади Иґор Мирович у Равним Селу отворел и нову спортску салу, у рамикох ОШ „Бранко Радичевич”.

9-Film-02

ПОВЯЗАНИ ТЕКСТИ