СУБОТИЦА – Интеретно фестивал у Суботици почал 22. авґуста зоз святочним дефилеом шицких учашнїкох, зоз жеми и иножемства, а будзе тирвац аж до соботи, 26. авґуста.
У центру Суботици, на месце дзе ше отримую шицки програми, у такволаним Етнополису, орґанизовани числени вистави, концерти и наступи фолклорних ансамблох. На сайме приказани и стари ремесла, ручни виробки, орґанизована и деґустация вина. Тиж, отримани и велї интересантни активносци за дзеци, бабкарски представи, рижни танєчни точки и велї фамелийни подїї. През штири днї отримани и концерти рижнородних жанрох музики.
На соботу, остатнього дня Интеретно фестивала, после святочного дефилеа з нагоди завераня Фестивалу, будзе вельки огньомет.
Програму Фестивала мож опатриц на www.interetno.net.