У Шидзе дочасово заварти Прилапююци центер за миґрантох

автор влдї
1.2k Опатрене

ШИД – Од вчера, 30. мая, Прилапююци центер за миґрантох при гайзибанскей станїци у Шидзе дочасово заварти, а з нього вчера виселєни 108 миґранти.

Центер з тей нагоди вчера нащивели министер за роботу, обезпечованє роботи, борецки и социялни питаня у Влади Сербиї Александар Вулин, державни секретар у спомнутим министерстве Ненад Иванишевич, републични комесар за вибеженцох и миґрациї Владимир Цуцич и предсидатель Општини Шид Предраґ Вукович, зоз сотруднїками.

Министер Вулин подзековал предсидательови Општини и гражданом Шиду на сцерпеню и порозуменю хторе мали за миґрантох у своїм штредку и додал же опредзелєнє же би миґранти вецей нє були змесцени у городских центрох. У тим напряме будзе розтерховани и прилапююци центер у Обреновцу.

Комесар Цуцич гварел же у Шидзе перше заверанє єдного прилапююцого центру за миґрантох у Сербиї, котри з нього премесцени до центрох при Адашевцох, Принциповцу, Суботици, Зомборе и Кикинди.

Спрам найновиших службених податкох, вчера на подручу шидскей општини реґистровани 1 379 миґранти.

4-Migranti-02

ПОВЯЗАНИ ТЕКСТИ