ШИД – Вчера на Квитну нєдзелю пред Службу Божу парох о. Михайло Режак пошвецел багнїтки як спомин на Исусов уход до Єрусалиму, кед го дзеци и народ витали з палмовима конарами.
После пошвецаня, багнїтки подзелєни вирним хторих на богослуженю було у векшим чишлє як звичайно, а хтори багнїтки однєсли до своїх обисцох.
Торжествено було и кед на концу Служби Божей о. Михайло Режак пошвецел два крижи хтори церкви даровал Мирослав Иван зоз свою фамелию, а пошвецене и нове кандило принєшене зоз Єрусалиму.
Вчера багнїтки пошвецени и у наших церквох у Беркасове и Бикичу, а Служби Божо служел парох о. Владимир Еделински Миколка.
