БЕОҐРАД – Нове ПИСА тестиранє школярох почина у априлу и будзе тирвац мешац и пол, а з тестираньом буду облапени читацка, математична, наукова и финансийна писменосц петнацрочних школярох, углавним школярох перших класох штреднїх школох.
Резултати укажу дзе ше находзи образованє у Сербиї кед слово о функционалним знаню школярох и цо треба унапредзовац же би ше посцигли жадани стандарди, гварели у Министерству просвити.
Резултати укажу як ше знанє наших школярох ранґирує у дружтве вецей як 200 жемох котри участвую у тим медзинародним виглєдованю.
На ПИСА тестираню участвую петнацрочни дзеци, будзе окончене у 222 школох, а буду участвовац коло 8 000 школяре.