ВЕРБАС – У Общим шпиталю Вербас внєдзелю, 17. септембра, отримана перша акция безплатних превентивних препатрункох за шицких гражданох, а же таки подїї потребни, потвердзело и вельке число заинтересованих гражданох.
Од 8 до 16 годзин гражданє, без здравственей кнїжочки и заказованя, могли вимерац пулс, кревов прицисок, уровень цукру у креви и поробиц ЕКҐ, а шицким препатреним поробени и звити о здравственим стану. Попри тим, заинтересованим цали час на розполаганю були и директор Шпиталю, алє и шицки началнїки оддзелєньох, пре евентуални поради и совити.
Акцию безплатних препатрункох у Вербаше нащивел и представитель Министерства здравя доцент др Ференц Вицко зоз сотруднїками.