ДЮРДЬОВ – Вчера, 18. марца, у 19. колє Подручней фодбалскей лиґи Нови Сад, дюрдьовски ФК „Бачка 1923” на домашнїм терену победзел ФК „Єдинство” зоз Ґосподїнцох зоз 3:1 (3:1).
Ґоли за „Бачку” дали Радин у 30. минути и Тривунович Душан у 42. и 44. минути. После того змаганя ФК „Бачка 1923” напредовала за два места, та тераз забера 12. место на таблїчки, з вкупно 22 бодами.
Шлїдуюце змаганє дюрдьовски фодбалере буду бавиц на нєдзелю, 24. марца на 15,30 годзин у Степановичеве зоз шестопласованим ФК „Омладинєц” котри ма 9 боди вецей.