РУСКИ КЕРЕСТУР – У парохиї св. оца Миколая у Руским Керестуре по григориянским календаре нєшка швето Усикновениє глави Йоана Хрестителя претечи, предходнїка Исуса Христа, за котрого Йоан Хреститель шведочел же є наисце син Божи.
З тим шветом Церква ше здогадує на траґичне законченє жемского живота велького пророка Йоана Хрестителя, котрому цар Ирод дал одрубац главу, а по волї Иродияди -супруги свойого живого брата, з котру жил у нєзаконїтим супружестве.
У Катедралней церкви у Керестуре служби Божо нєшка буду на 8 и 19 годзин, а Велька Служба будзе на 10 годзин у Марийовим святилїщу Водица.
Усикновениє и посне швето, та вирни на тот дзень строго посца у єдзеню.