КОЦУР/ВЕРБАС – Нафтна индустрия Сербиї (НИС) тих дньох на териториї штирох општинох – Бачка Паланка, Оджак, Кула и Вербас почина ґеофизични випитованя на цалосней поверхносци од 505 квадратни километри, у рамикох виглєдованя нафти и ґазу. За виглєдованя ше хаснує нову, модерну технолоґию, подполно безпечну за здравє людзох и животни штредок.
У Месней заєднїци у Коцуре и Трецей месней заєднїци у Вербаше од 8 до 14 годзин отворени информативни пункти за контакт з гражданами на чиїх парцелох буду окончовани випитованя.