НОВИ САД – У 43. тогорочним числу новинох „Руске слово”, на бокох рубрики „Тижньовнїк”, медзи иншим, мож пречитац цо приноши нови Закон о образованю и як чече озаконьованє нєлеґалних обєктох у општини Шид, док на „Наших местох” зазначене означованє Дня ошлєбодзеня од фашизма и активносци у зменшаню ризику од природних катастрофох.
„Економия” пише о схадзки Здруженя паприґарох „Капсикум анум”, а „Култура и просвита”, медзи иншим, о проєктним финансованю у рускей култури.
Рубрика „Духовни живот” провадзела нащиву паломнїкох з Раєвого Села по наших парохийох.
„Людзе, роки, живот”, окрем фельтону „Як (нє)скапал рокенрол” приноша напис о полиґлотови Владимирови Бодянцови и дакедишнєй вибивачки Мариї Нота з Вербасу.
„Спорт” дава огляднуце на „Чукияду” у Руским Керестуре, пише о рекреативцох зоз Шиду, а зазначени и резултати наших фодбалских клубох. Як додаток вишло „Литературне слово”.