НОВИ САД – Шесте тогорочне число новинох „Руске слово” на бокох рубрики „Тижньовнїк”, медзи иншим, анализує чи формовани шицки цела Националного совиту Руснацох, док рубрика „Нашо места” зазначела атмосферу на балох у вецей местох. Ту и текст о пририхтованю Керестурцох за участвованє у будуцей Локалней акцийней ґрупи у Кули.
„Економия” пише о фахових преподаваньох за польопривреднїкох у Дюрдьове и Шветовим конґресу Економиї заєднїцтва у Риме, а „Култура и просвита”, медзи иншим, о пририхтованьох за тогорочни Фестивал рускей култури „Червена ружа” и виборе Наталиї Будински за вонкашню совитнїцу Министерства просвити.
„Мозаїк” читачом представя Роберта Джуджара з Руского Керестура, котри на докторских студийох у Австралиї, а рубрика „Людзе, роки, живот” Златка Русковския, тиж з Керестура и Ясну Аврамович зоз Шиду.
„Духовни живот” пише о чуваню скарбу у наших парохийох, док на „Спорту” и звит зоз Скупштини ФК „Искра” з Коцура. Додаток у тим чишлє „Руске слово у швеце”.