НОВИ САД – Осме тогорочне число новинох „Руске слово” на бокох рубрики „Тижньовнїк”, медзи иншим, пише о нащиви представнїкох Националного совиту Руснацох Словацкей, док на „Наших местох”, окрем балох у вецей местох, зазначени и даскельо гуманитарни акциї.
На „Економиї” напис о платформи Мрежа добрей енерґиї и активносцох Польопривредного подприємства „Сава Ковачевич” у Вербаше, а ту и звит зоз „Сримскей винияди”.
„Култура и просвита” з нагоди Медзинародного дня мацеринского язика пише о рускей лексикоґрафиї, док „Мозаїк” читачох упознава зоз Новосадянками Катарину Кочиш и Лару Петкович, котра мала першу самостойну виставу.
Рубрика „Людзе, роки, живот” понука шесте предлуженє фельтону вочи 50. Драмского мемориялу Петра Ризнича Дядї, док „Духовни живот” пише о початку Велького посту у векшини парохийох и, окрем других актуалносцох, о парохийним стретнуцу у Бикичу.
„Спорт” представя параолимпийца у спортским риболову Желька Колошняя зоз Сербского Милетичу, а додатки у тим чишлє „Дикица” и „Дом и фамелия”, дзе и нова „Женоблоґия”.