У новим „Руским слове”

автор ядю
874 Опатрене

НОВИ САД – У петнастим чишлє новинох „Руске слово” рубрика „Тижньовнїк” пише о державних мирох за звекшанє наталитету у Сербиї и схадзки Одбору за образованє НС Руснацох, а о схадзки УО Рускей матки и облївачки у Дюрдьове и Коцуре пише у рубрики „Нашо места”.

„Духовни живот” зазначел як нашо парохиї цо ше ровнаю по юлиянским календаре преславели Вельку ноц, а „Економия” у тим чишлє пише о поднїмательови з Коцура Синишови Малийови и о фамелиї Грубеньових з Руского Керестура хтора ше занїма з квецарством.

„Култура и просвита” понука розгварку зоз руским подобовим уметнїком Владом Нярадийом з Вербасу, звит зоз Вельконоцного концерту КУД „Тарас Шевченко” у Дюрдьове и звит зоз схадзки УО Дома култури у Руским Керестуре.

„Мозаїк” представя младу шпивачку Ивану Чордаш з Нового Саду, а рубрика „Людзе, роки, живот” фамелию и нашлїднїкох Петра Ризнича Дядї, Теодора Палєнкаша з Руского Керестура и Йоакима Молнара з Дюрдьова.

Рубрика „Спорт”, медзи иншим, дава резултати наших фодбалских клубох у своїх першенствених лиґох, а ту и вистки з рукомету и боксу.

ПОВЯЗАНИ ТЕКСТИ