НОВИ САД – У новим, двацец трецим тогорочним виданю новинох „Руске слово”, на бокох рубрики „Тижньовнїк” пише о нащиви представнїкох Рускей матки Польскей, док рубрика „Нашо места” пише о мото стретнуцу у Коцуре, ище єдней гуманитарней акциї у Коцуре и акциї ушореня теметова у Руским Керестуре.
На „Економиї” зазначена векша продукция паприґи у Коцуре и арониї у Руским Керестуре, а пише и о ярнїх роботох у хотаре Нового Орахова.
На бокох „Култури и просвити” пише о пририхтованю за тогорочни Фестивал рускей култури „Червена ружа”, представяню керестурскей Ґимназиї коцурским маломатурантом, а дати и звит зоз Манифестациї култури Руснацох у РГ „Петровски дзвон” и Хорского фестивалу „Карпати” у Вербаше.
„Мозаїк” дава мини репортажу зоз „Русинского фестивалу” у Свиднїку, а рубрика „Людзе, роки, живот” упознава читачох зоз познату Медєшову бурекарню у Руским Керестуре, Дюрдїцу Полдруги з Коцура и малженским живоце длугоким 70 роки Сабадошових зоз Дюрдьова.
„Духовни живот” зазначел Стретнуце Каритасових волонтерох у Водици, Першей причасци у керестурскей парохиї, а „Спорт”, дава розплєт у локалних фодбалских лиґох наших фодбалских клубох и понука и звит зоз отриманих роботньох за наймладших рибарох.