НОВИ САД – У новим, двацец штвартим тогорочним виданю новинох „Руске слово”, на бокох рубрики „Тижньовнїк” пише о госцованю представнїкох наших дзепоєдних институцийох и аматерох у Земплинскей Теплици у Словацкей и нащиви заменїка министра вонкашнїх дїлох України у Беоґрадзе.
О новим руководстве Општини Кула, активносцох пред виберанками за Совит Месней заєднїци Руски Керестур, як и о актуалносцох зоз Ґосподїнцох, Коцура, Вербасу и Кули, пише у рубрики „Нашо места”.
На „Економиї” читаче можу дознац о препатрункох процивогньових апаратох на початку жатви жита, и о НИС-ових випитованьох нафти и ґазу у Општини Жабель.
На бокох „Култури и просвити” пренєшена атмосфера зоз тогорочного Фестивалу дзецинскей творчосци Руснацох Войводини „Веселинка”, дати напис о Фестивалу поезиї младих у Вербаше, а представени и школяре з руских оддзелєньох наших школох котри преглашени за школярох ґенерациї.
Рубрика „Людзе, роки, живот” упознава читачох зоз Йовґеном Чижмаром з Вербасу, а „Духовни живот” зазначел кельо першопричашнїкох було у новосадскей и коцурскей парохиї и як означени ювилеї Шестрох Служебнїцох у Руским Керестуре.
„Спорт” дава вистки зоз рукомету и шаху, а читачох уводзи до наиходзацого 21. Шветового першенства у фодбалу.
Додатки у тим чишлє „Дикица” и „Дом и фамелия”, дзе и нове предлуженє „Женоблоґиї”.