У новим „Руским слове”

автор ядю
698 Опатрене

НОВИ САД – Двацец дзевяте тогорочне число новинох „Руске слово” у „Тижньовнїку” пише о адаптациї найстаршей рускей хижи у Руским Керестуре, док „Нашо места”, медзи иншим, зазначели хтори одлуки принєшени на схадзкох скупштинох општинох Вербас и Кула, и першей схадзки нового зволаня Совиту Месней заєднїци Руски Керестур.

На бокох „Економиї” пише о статкарови и паприґарови Иванови Медєшовому з Керестура и о актуалносцох у вязи зоз управяньом з одпадом у ЯКП „Комуналєц” у Вербаше.

„Култура и просвита” звекшого пише о отриманей манифестациї жридловей фолклорней творчосци Руснацох „Коцурска жатва”, а у рубрики „Мозаїк” понукаме звит зоз тогорочного „Еґзиту”.

На бокох рубрики „Людзе, роки, живот” читаче можу упознац фамелию Пристойко зоз Канади, док „Духовни живот” зазначел Кирбай у новосадскей парохиї, Духовне стретнуце у Кули и Стретнуце „Марияполи” на Чардаку.

Рубрика „Спорт” информує о розписаним Конкурсу за спорт у Општини Жабель, а дава и прегляд Шветового першенства у фодбалу.

Окрем рубрики з рецептами „Хладок и горуци тепши”, у тим чишлє як додаток вишла „Дом и фамелия”, дзе и нове предлуженє „Женоблоґиї”.

ПОВЯЗАНИ ТЕКСТИ