НОВИ САД – Трицец перше тогорочне число новинох „Руске слово” у „Тижньовнїку” дава звит зоз схадзки Координациї националних совитох, а „Нашо места”, медзи иншим, понукаю звит зоз Скупштини општини Кула, и пишу як прешол Медзинародни волонтерски камп у Руским Керестуре.
На бокох „Економиї” пише о пририхтованьох за манифестацию „Днї керестурскей паприґи” и продукциї желєняви у Дюрдьове.
„Култура и просвита” информує о промоциї кнїжки Владимира Сабо-Дайка у Коцуре и Подобовей колониї „Стретнуце у Боднарова” у Ґосподїнцох, а ту и напис о Фестивалу „Лемковска ватра”, о чим пише и рубрика „Мозаїк”.
На бокох рубрики „Людзе, роки, живот” читаче можу упознац Любицу Кнежевич з Руского Керестура и Ромка Макая з Коцура, док „Духовни живот” зазначел Кирбай у нововербаскей парохиї и актуалносци зоз других наших парохийох.
Рубрика „Спорт” информує о пририхтованю наших фодбалских клубох за нову першенствену сезону, ту и рубрика з рецептами „Хладок и горуци тепши”, а як додаток вишло „Руске словечко”.