НОВИ САД – Трицец штварте тогорочне число новинох „Руске слово” у „Тижньовнїку” пише о новим законодавстве пред наиходзацима виберанками за нови зволаня националних совитох националних меншинох, док „Нашо места”, медзи иншим, преноша вистку о формованю школских патролох у општини Вербас. Ту и вистки зоз Коцура, Вербасу и Шиду.
На бокох „Економиї”, медзи иншим, пише о початку обераня паприґи у Руским Керестуре и о защити рошлїнох од нових чкодлївцох.
„Култура и просвита” преноши упечатки зоз Фестивала жридлового шпиваня „Най ше нє забудзе” у Дюрдьове и вистави фотоґрафийох „Виртуални мости Михайла Лїкара” у Заводзе за културу войводянских Руснацох.
„Людзе, роки, живот” упознаваю читачох зоз фамелию Рамачових зоз Кули, а „Духовни живот” зазначел як преславене швето Преображенє по наших парохийох и Кирбай у Шидзе.
Рубрика „Спорт”, медзи другима вистками, пише о резултатох перших фодбалских змаганьох наших клубох у єшеньскей часци першенства, як и о Конїцких обегованьох отриманих у Керестуре.
При концу новинох и рубрика з рецептами „Хладок и горуци тепши”, а як додаток вишло „Руске словечко” и „Дом и фамелия”, дзе и нове предлуженє „Женоблоґиї”.