ВЕРБАС – Внєдзелю, 17. септембра, у церкви Покрова Пресвятей Богородици у Старим Вербаше пошвецени школски ташки школярох котри ходза на годзини мацеринского, руского язика, и благослов за чечуци школски рок од о. Алексея Гудака достали вецей як двацецеро дзеци.
Старовербаски парох о. Гудак казань з найвекшей мири пошвецел дзецом, толкуюци им значносц скромносци и пожертвовносци, як и же за тото цо маме, маме буц подзековни Исусови Христови.
По Служби, на хторей було красне число вирних, о. Гудак благословел школски ташки, як и шицких присутних.