У цалей держави червени метеоаларм

автор бета/мар, фото дюв
979 Опатрене

СЕРБИЯ – На териториї цалей Сербиї преглашени червени метеоаларм, а Републични хидрометеоролоґийни завод (РХМЗ) спозорел на барз високи температури у наступним периодзе, до 9. авґуста, котри буду векши од 40 ступнї.

Високи температури, до 39 ступнї, наиходзацого викенду буду и коло 41, а лєм на пондзелок у сиверних и централних крайох мож обчековац краткотирваце ошвиженє. Ноцни температури нє буду менши од 20 ступнї.

Червени метеоаларм значи же попри високих температурох мож обчековац и нєпогоди моцного интензитету.

Препоруки дохторох же би гражданє у периодзе од 10 до 18 годзин без наглей потреби нє виходзели вонка з обисцох.

Зоз Законом о позарядових ситуацийох нє дефинована и температура, та у Сербиї вимоги за преглашованє тей ситуациї подноша локални самоуправи котри принєшу таку одлуку, кед температура загрожує и онєможлївює нормалне функционованє. Затераз нєт такей наяви.

Министерство за роботу и социялну политику препоручело же би роботнїки котри робя на отвореним мали адекватни павзи, або же би робота була застановена.

ПОВЯЗАНИ ТЕКСТИ