У ютрейшим ТВ Маґазину

автор ртв/ядю
1k Опатрене

НОВИ САД – Ютрейши ТВ Маґазин з польопривреди понука прилог о продукциї цвикли. Ту и вистка o Округлим столє пошвеценим о. Романови Мизови и отвераню СОС телефона у Вербаше на хтори мож приявиц кажду файту насилства над женами.

Ту и звит зоз представи „Дзивчатко и жобрак” котру виведли дзеци зоз Етно-клубу „Одняте од забуца” зоз Коцура на тогорочним ювилейним 50. Драмским мемориялу Петра Ризнича Дядї, а ту вистка з Руского Керестура дзе нєдавно вибухнул огень хтори валалчанку Мару Кршич охабел без дома, а попри информацийох дзе и на яки способ єй мож помогнуц, патраче дознаю и зоз якима проблемами ше зочую керестурски огньогасци.

Того тижня у рамикох манифестациї „Античово днї” у Новим Садзе, означени родзени дзень писателя Мирослава Антича зоз пригодну програму.

Реприза ТВ Маґазину будзе такой на пондзелок вноци на 2 г. и на штварток на 21,30 г. (по емисиї „Добри вечар, Войводино”).

ПОВЯЗАНИ ТЕКСТИ