НОВИ САД – Ютрейши ТВ Маґазину будзе емитовани прилог з означованя 15-рочнїци снованя нашого Апостолского еґзархату, як и звит зоз Републичного змаганя з руского язика и язичней култури и репортажу зоз Штвартей науковей конференциї младих науковцох и фаховцох.
Будзе приказани и прилог з концерту церковнославянскей духовней музики Хора „Розанов” и розгварка зоз нашим рецитатором Мирославом Малацком, як и часц атмосфери зоз преслави Дня Основней школи „Петро Кузмяк” у Руским Керестуре.
Будзе емитовани и ширши звит з Фестивала поезиї младих у Вербаше хтори того року преславел 50. ювилей, и зоз дюрдьовскей основней школи дзе дзеци мали интерактивни годзини з транспорту.
У часци пошвеценей польопривреди будзе слова о пестованю олєйовей цвиклочки, култури хтора и у нашей жеми вше популарнєйша.
Реприза ТВ Маґазину будзе такой на пондзелок вноци на 2 г. и на штварток на 21,30 г. (по емисиї „Добри вечар, Войводино”).