НОВИ САД – У ютрейшим ТВ Маґазину, у часци пошвеценей польопривреди, медзи иншим будзе емитовани прилог о вше популарнєйшей старинскей файти швиньох манґулїцох. Ту и репортажа о Новим Радио Зомборе, на чиїм порталє ше однєдавна емитує и висти на руским язику.
У емисия будзе слова и о реновираню церкви у Ґосподїнцох, як и о нєдавно представеней кнїжки Михала Рамача „Дунайска рапсодия”.
На концу будзе репортажа зоз традицийней журки на керестурским базену хтору орґанизує здруженє младих „Пакт Рутенорум”.
Реприза ТВ Маґазину будзе такой на пондзелок вноци на 2 г. и на штварток на 21,30 г. (по емисиї „Добри вечар, Войводино”).