ВЕРБАС – У рамикох ювилейного 50. Драмского мемориялу Петра Ризнича Дядї, всоботу 17. марца, делеґация зоз Руского Керестура и Вербасу на вербаским теметове нащивела Дядьов гроб.
У делеґациї були Йоаким Рац, Славко Орос, Владимир Дудаш, Владимир Будински, як и фамелия Ризничових зоз Словениї – син Павле зоз супругу, як и унук Александар зоз фамелию.
Присутни ше у нєпоштредней розгварки здогадли на Дядьову роботу, на його дзепоєдни сценски ришеня, а окреме любови ґу заєднїци. Домашнї виражели же даваю вельо усиловносци же би ше отримало Мемориял, без огляду на чежки дружтвени и финансийни околносци.
