Саня Чизмар з Руского Керестура фотоґрафию полюбела у седмей класи Основней школи и одтеди ше баржей почала интересовац за тоту уметносц. Нєодлуга купела апарат, половни, оправяни, алє гвари же ю то теди ище баржей мотивовало же би предлужела фоткац. Закончела керестурску Ґимназию, а тераз ше уписала на курс фотоґрафиї у Новим Садзе, же би ше усовершовала. Найчастейше фотка по валалє, а найволї фотоґрафовац природу, бо, толкує, вона нє вимага вельо – як ю видзиш, так ю и висликуєш. Тиж так, модели єй и пайташе и пайташки, а окреме люби сликовац керестурски базен. Тиж так, гвари же у валалє єст феноменални места за сликованє, вельо нєодкрити красоти. Свойо роботи обявює на Фейсбуку и Инстаґраму, даєдни були обявени и у нашим часопису, на МАК-овим календаре… Гоч єй амбициї дакеди опадню, любела би ше раз занїмац зоз фотоґрафию и професийно, бо ше у нєй цалком пренаходзи.