Хор „Теотокос” отримал концерт у Новим Садзе

автор мгк, фото вев
1.2k Опатрене

НОВИ САД – Младежски камерни хор „Теотокос” Храму Рождества Пресвятей Богородици зоз Львова у України, на чолє з дириґентку Софию Гакавцин, з нагоди Крачуна, всоботу, 29. децембра госцовал у церкви св. апостолох Петра и Павла у Новим Садзе, а на концерту бул и наш владика кир Георгий Джуджар.

Парох новосадски о. Юлиян Рац подзековал Хору за прекрасне стретнуце и коляди.

– Помогли сце нам дочекац народзенє Господа нашого Исуса Христа з вашима ангелскима гласами. Жадам вам вельо успихи и же бисце и далєй духовно збогацовали людзох – гварел о. Рац.

Дириґентка София Гакавцин виявела же єй барз мило же вєдно преславюєме Рождество Христово и подзековала присутним, хтори концерт привитали з вельким аплаузом.

ПОВЯЗАНИ ТЕКСТИ