РУСКИ КЕРЕСТУР – Младежски камерни хор „Теотокос” Храму рождества пресвятей Богородици зоз Львова, на чолє з дириґентку Софию Гакавцин, хтори з нагоди Крачуна госцує у керестурскей парохиї, тих дньох отрима ище три концерти у наших церквох.
Нєшка то будзе у Суботици на 19 годзин у Францисканскей церкви дзе ше отримую богослуженя за грекокатолїкох. На соботу, 29. децембра, госцуюци хор зоз Львова отрима концерт у нашей церкви св. апостолох Петра и Павла у Новим Садзе, а концерт почне на 16 годзин.
На нєдзелю, 30. децембра, госци наступя у парохиї священомученїка Йосафата у Кули. Там буду шпивац на Служби Божей на 9 годзин, а такой по Служби у церкви будзе и концерт.