Цена цвикли иста як влонї

автор зам  фото люд
975 Опатрене

ЧЕРВИНКА – Цукрову цвиклу одкупйовапче буду контрачиц по истей цени як и влонї, по 35 евро-центи за килограм, а Цукровня у Червинки на своїм сировинским подручу того року планує законтрачиц 24 000 гектари цвикли, цо з урожайом од 60 тони по гектаре, за преробок плановани 1,5 милиони тони цвикли, пише портал РТВ.

– Польопривреднїки можу обчековац коректни условия контраченя, як цо то були и прешлого року. То ше одражели и на їх профит, бо у єдним родним року, зоз 35 евро-центи по кґ мож витвориц приход од 2 500 еври, а чисти приход од 1 000 до 1 500 еври по гектаре – гварел за РТВ директор сировинского сектору червинскей Цукровнї Милан Мартич.

Як поведзене на совитованю о продукциї цукровей цвикли у Польопривредней фаховей служби у Зомборе, цвиклу треба пошац у другей и трецей декади марца.

У Заходнобачким округу под цвиклу прешлого року було вецей як 8 000 гектари, хвиля за цвиклу була вигодна, та штреднї урожай бул 75 тони по гектаре.

ПОВЯЗАНИ ТЕКСТИ