БЕОҐРАД – Помоцнїк министра просвити Александар Паїч гварел же намира реформи ґимназийох же би ше „змоцнєло квалитет образованя” и за даскельо роки досцигло циль з Националней стратеґиї образованя же би ше 40 одсто школярох по законченей основней школи уписовало до ґимназийох. Тераз ше до ґимназиї уписує коло 23 одсто школярох.
Наставнїком у ґимназийох прешлїдзени упитнїки хтори маю попольнїц до 15. мая, же би дали предкладаня за унапредзенє ґимназийного образованя у Сербиї и запровадзованє їх реформи.
– Школяре ше до ґимназиї уписую пре можлївосц предлужованя школованя на високих школох и жадаме змоцнїц квалитет ґимназийного образованя же би школяре мали добре пред’знанє за упис на факултети – гварел Паїч.
Того року з планом предвидзене векше число местох за упис до ґимназийох, а Паїч гварел же ше инсистує на квалитету образованя у нїх, односно же ше ґимназиї з квалитетом маю вибориц за векше число местох.