КРУЩИЧ – Вовторок, 17. априла, у Крущичу отримана 58. по шоре Општинска смотра драмскей творчосци „Ясна Витас Лукич” на хторей виведзени осем представи, а єдна з нїх була и рускокерестурска представа „Цифровани яблука”.
Попри керестурскей представи, на Зонску смотру ше пласовала „Мала сирена” зоз Крущичу, „Красавица и жвир” зоз Кули и „Пепелюґа” зоз Червинки. Зонска смотра будзе у Червинки, а датум ище вше нєпознати.
Представу„Цифровани яблука” Ивани Деспотович пририхтала дзецинска ґрупа Драмского студия „Арт” по мотивох приповедки „Яблуко” Драґана Лукича, у режиї Ксениї Бодянец.