Чкоди од суши 600 милиони еври

автор тнґ/мар
926 Опатрене

БЕОҐРАД – По перших оценох, чкода од суши на польодїлских културох будзе коло 600 милиони еври, гварел директор „Житох Сербиї” Вукосав Савкович, визначуюци же потребне укладац до залївних системох.

– Пре сушу найбаржей очодовани кукурица, соя, цукрова цвикла и слунечнїк. На обчекованим урожаю слунечнїку маме утрату од коло 525 милиони еври. Векши цени житаркох нє мож обчековац, понеже ше з нїма тарґує на берзи, а суша нє ґлобалного, алє лєм локалного характеру и найбаржей залапела штреднї цек Дунаю – гварел Савкович.

За остатнї осемнац роки то була шеста суша, а горши роки були лєм 2000. и 2001., та треба унапредзовац залївни системи, з чим би урожай бул звекшани за коло два и пол раз, наглашел Савкович.

ПОВЯЗАНИ ТЕКСТИ