Швето як слунко котре улїва живот

автор сас
832 Опатрене

ДЮРДЬОВ – У церкви Рождества Пресвятей Богородици у Дюрдьове, 19. авґуста, на Велькей Служби Божей преславене швето Господнє на Преображенє. Службу служел о. Борис Холошняй котри пошвецел овоц у прикрашених кошаркох.

– Преображенє Исуса Христа пред трома ученїками то знак и нагадованє шицким нам яку нам стварносц Бог порихтал кед будземе до ньго вериц и мац довирия же вон може преображиц нашу жемску стварносц. Чежко ю описац, бо нашо слова за таке нєдостаточни. Тото швето таке як слунко котре улїва живот и ошвицує шицко цо у цмоти, гварел о. Борис.

После Служби парохиянє овоц однєсли до обисца и подзелєли зоз своїма найблїзшима.

ПОВЯЗАНИ ТЕКСТИ