Шицки поволани помогнуц у пораєню теметова

автор маф
847 Опатрене

РУСКИ КЕРЕСТУР – Нєшка уж од 7 годзин рано почнє заєднїцка роботна акция на валалским теметове дзе ше будзе розкерчовац стара гасц теметова за каплїчку. Помогнуц приду коло 20 тримераше зоз сушедних местох, а Мирко Еделински волонтерски, зоз свою механїзацию пририхтал терен за нєшкайшу акцию.

На инициятиву Месного одбору Сербскей напредней странки (МО СНС) и Здруженя спортских рибарох „Коляк” акция заєднїцки орґанизує зоз Церковним одбором и другима валалскима здруженями. Своїх членох и шицких жительох цо сцу помогнуц на акцию окреме поволую їх предсидателє – МО СНС Иґор Фейди, „Коляка” Михайло пашо, Конїцкого клубу „Русин” Желько Папуґа и Добродзечного огньогасного дружтва Михайло Рац.

Шицки наглашую вельку важносц тей роботи, бо ше так обезпеча нови гробни места.

ПОВЯЗАНИ ТЕКСТИ