КОЦУР – Коцурска Основна школа „Братство єдинство”, у сотруднїцтве зоз Полицийну станїцу Вербас, од початку нового школского року будзе орґанизовац школски патроли, та поволує шицких заинтересованих же би ше приключели и на тот способ допринєсли безпечносци школярох.
Школска патрола уключує єдного роботнїка школи и двох родичох, а можу ше приявиц и особи котри нє маю школярох, а жадаю помогнуц.
Школска патрола будзе мерковац на школярох, окреме на першокласнїкох кед буду преходзиц драгу, буду застановйовац превозки при приходу до школи и одходу зоз школи дому.
З тей нагоди Школа поволує родичох же би ше приявели до патроли и з тим звекшали безпечносц дзецох. Заинтересовани родичи буду мац безплатну обуку, достаню брушлїк и мобилни телефон за комуникованє зоз Полицийну станїцу.
Кажде хто жада участвовац у акциї може ше приявиц у Школи и на школски телефон 727-905.