КОЦУР – И коцурска Основна школа (ОШ) „Братство єдинство“ всоботу, 27. януара, означела школску славу Святи Сава.
На програми у Доме култури школяре рецитовали, шпивали и виведли даскельо драмски слички зоз живота Святого Сави. По законченю програми у ОШ бул традицийни славски полудзенок на котрим православни парох о. Здравко Бойович и кум школи Драґан Рашета ламали славски колач котри пред тим православни паноцец пошвецел.
Познєйше истого дня, у православней церкви Успения Пресвятей Богородици, була и Служба Божа на котрей дзецом подзелєни 40 пакецики.
