Школяре Туристичного напряму наградзени за штварте место

автор маф
888 Опатрене

РУСКИ КЕРЕСТУР – Тим школярох з напряму Туристични технїчар Штреднєй школи „Петро Кузмяк” з Руского Керестура завжал штварте з пейц наградзених местох на змаганю з обласци туризму на Универзитету „Синґидунум”, Центру у Новим Садзе.

У наградзеним тиму були Тияна Николич, Оксана Миляшевич и Йован Станкович, з менторку Анике Войчена, а наградзени су з вилєтом у орґанизациї „Универзитету Синґидунум”.

На змаганю, хторе отримане 30. марца з тему „Диґитална комуникация у туризме Сербиї”, штредньошколци ше мали зочиц з реалнима дїловнима проблемами, одн. буц у улоги креаторох туристичного понукнуца за младих.

Участвовали 18 тими зоз штреднїх школох у Войводини, а з Туристичного напряму керестурскей Школи змагали ше три тими.

ПОВЯЗАНИ ТЕКСТИ