РУСКИ КЕРЕСТУР – Пияток 5. мая, рускокерестурски Еколоґийни рух „Желєни персцень” и Еколоґийна секция ОШ „Петро Кузмяк” посадзели 100 младнїки пауловниї на Новим населєню, у Фрушкогорскей улїци и на других местох у валалє.
Вєдно зоз школярами, на тей добродзечней акциї участвовали и члени Еколоґийного руху, професор у Школи Славко Пап и професор у пензиї Евґений Медєши. У нїзших класох ОШ основана и „Желєна инспекция”, хтора з часу на час будзе контроловац посадзени младнїки.
– Младнїки обезпечел Еколоґийни рух з власних средствох достатих на основи проєктох з хторима зме конкуровали до Општини Кула. Тачки за древка подаровал тапетар Синиша Ковачевич, а ЯКП „Руском” посадзени древка будзе залївац – гварела предсидателька Еколоґийного руху „Желєни персцень” Леона Доротич Ґутеша.