Шлїдуюцого викенду у Дюрдьове наступи ґрупа „Тап 011”  

автор сас
965 Опатрене

ДЮРДЬОВ – Тогорочна манифестация „Дюрдьов отвореного шерца“ будзе на соботу, 22. юлия на 20,30 годзин, як и потераз, на спортским полиґонє у Дюрдьове.

У програми централна ґрупа будзе „Тап 011” у першобутним и полним составе, а наступи и новосадски музичар и ди-джей Lee Man и „Mthaza”.

Карти за 300 динари мож купиц по 21. юлий, а на дзень концерта буду коштац 500 динари. Купиц их мож у Gigstix предавальньох и онлайн, у Билияр-клубу „Трле” у Дюрдьове, клубох „Randevu”, „Duff PUB” и „Friends” у Жаблю и „Pure Power” у Шайкашу.

Окрем картох за станє опрез бини, мож купиц и вип-карти за 1 500 динари за котри ше достава шедовиско на видзвигнутим месце просто бини, на другим концу полиґона у куце, келнера и векши вибор пицох. По пияток до пол ноци у Билияр-клубу „Трле” у Дюрдьове тирва акция у хторей мож купиц штири карти за тисяч динари.

Манифестация „Дюрдьов отвореного шерца“ ше орґанизує треци раз, а єй порушовач и орґанизатор Здруженє младих „Зєдинєни фарби звуку“.

ПОВЯЗАНИ ТЕКСТИ