Штафета Прелетачевича Билого и у Вербаше

автор але
1.2k Опатрене

ВЕРБАС – Вчера вечар ше и у Вербаше застановела єдна зоз штирох штафетох по Войводини Ґрупи гражданох „Любиша Прелетачевич Били-Лєм моцно”, хтора потримує кандидатуру Прелетачевича Билого за предсидателя Сербиї. Ношаче штафети наглашели же циль такей файти предсидательней кампанї звесц цалу политичну сцену у жеми на абсурд.

– Єдино нас абсурдна фиґура, як цо наш кандидат, може вицагнуц з такей абсурдней ситуациї. Нєт ту окремней идеолоґиї, за тераз очиглядне же ше його канидатура опера на граждански инициятиви, або политику референдуму. Поведзме, ми цали час ношиме кошарку до хторей гражданє можу уруциц порученя, дарунки, лєбо подобне за нашого кандидата, алє вон нє з нами – гварела активистка тей ҐГ Ґордана Боґич з Апатину.

Штири штафети ше у мено предсидательного кандидата Билого нєшка, 30. априла, стретню у Младеновцу, дзе пияту штафету будзе представяц сам кандидат, котри преглаши виберанкову цихосц.

ПОВЯЗАНИ ТЕКСТИ